தூத்துக்குடி வட்டாட்சியர் அலுவலகத்தில் நடைபெற்ற பொது விநியோகத் திட்ட சிறப்பு முகாமினை மாவட்ட வருவாய் அலுவலர் அஜய் சீனிவாசன் நேரில் பார்வையிட்டு ஆய்வு மேற்கொண்டார்.

மூன்றாம் பாலினத்தவர்கள் புதிய குடும்ப அட்டை பெறுவதற்கான சிறப்பு முகாம் மற்றும் பொது விநியோகத்திட்டம் சிறப்பாக நடைபெற, பொது விநியோகத்திட்டத்தின் கீழ் ஜனவரி மாதத்திற்கான சிறப்பு முகாம் 21.01.2023 இன்று சனிக்கிழமை காலை 10.00 மணி முதல் நண்பகல் 1.00 மணி வரை தூத்துக்குடி டூவிபுரம் வட்டாட்சியர் அலுவலகத்தில் உள்ள வட்ட வழங்கல் பிரிவில் நடைபெற்றது.

இந்த முகாமில், மின்னணு குடும்ப அட்டையில் முகவரி மாற்றம், பெயர் திருத்தங்கள், உறுப்பினர் சேர்த்தல் மற்றும் நீக்குதல், புதிய குடும்ப அட்டை மற்றும் நகல் அட்டை கோருதல் போன்ற குறைகள் முகாமில் சரி செய்து வழங்கப்பட்டது. 

மேலும் மின்னணு குடும்ப அட்டைகளுக்குரிய தவறுகளில் குடும்பத் தலைவரின் புகைப்படம் பதிவேற்றம் செய்ய வேண்டியிருப்பின் முகாமிலேயே புகைப்படம் பதிவேற்றமும் செய்யப்பட்டது.

இம்முகாமினை, தூத்துக்குடி மாவட்ட வருவாய் அலுவலர் அஜய் சீனிவாசன் நேரில் பார்வையிட்டு ஆய்வு மேற்கொண்டார். மேலும், மூன்றாம் பாலினத்தவர்கள் புதிய குடும்ப அட்டை பெறுவதற்காக அளிக்கப்பட்ட விண்ணப்பங்களை பெற்றுக்கொண்டார்.

இந்நிகழ்வின் போது, தூத்துக்குடி வட்டாட்சியர் செல்வ குமார், வட்ட வழங்கல் தனி வட்டாட்சியர் ஜஸ்டின் செல்லத்துரை உள்ளிட்டோர் உடன் இருந்தனர்.