<p><b>எப்போதும்வென்றான் அருகே பெண்ணிடம் தங்கநகையை பாலிஷ் செய்து தருவதாக கூறி ஏமாற்றி திருடிய வட மாநில இளைஞரை போலீசார் கைது செய்தனர்.</b></p><p>தூத்துக்குடி மாவட்டம்,&nbsp; எப்போதும்வென்றான் அருகே அருங்குளம் பகுதியைச் சேர்ந்த ஆறுமுகம் மகன் சேகர் (66) என்பவரது மகள் நேற்று (22.09.2023) வீட்டில் இருந்தபோது&nbsp; அவரது வீட்டிற்கு வந்த பீகார் மாநிலம் ரகுநாத்பூர் பகுதியைச் சேர்ந்த சிவநந்தன் மகன் சோனுகுமார் (22) என்பவர் தங்கநகையை பாலிஷ் செய்து தருவதாக கூறி ஏமாற்றி திருடி சென்று கையும் களவுமாக பிடிபட்டுள்ளார்.</p><p>இதுகுறித்து சேகர் அளித்த புகாரின் பேரில் எப்போதும்வென்றான் காவல் நிலைய உதவி ஆய்வாளர்&nbsp; சந்திரசேகர பாண்டியன் வழக்குபதிவு செய்து&nbsp; சோனுகுமாரை கைது செய்து, அவரிடமிருந்து ரூபாய் 70,000 மதிப்புள்ள 2 சவரன் தங்க நகையையும் பறிமுதல் செய்தார்.</p>