<p><b>தமிழக சட்டசபை தேர்தல் ஏப்ரல் மாதம் 23 ஆம் தேதி நடைபெறுகிறது. இதையொட்டி வேட்புமனு தாக்கல் வரும் 30 ஆம் தேதி தொடங்கப்படுகிறது. வாக்கு எண்ணிக்கை மே 4ஆம் தேதி நடைபெறுகிறது.</b></p><p><br></p><p>இந்த நிலையில் திமுக, அதிமுக உள்ளிட்ட கட்சிகள் தேர்தல் பணிகளில் தீவிரமாக உள்ளனர். இந்த நிலையில் திமுக சார்பில்  போட்டியிடும் வேட்பாளர்கள் பட்டியலை திமுக தலைவர் மு க ஸ்டாலின் வெளியிட்டார். அதில் விளாத்திகுளம் சட்டமன்ற தொகுதிக்கு திமுக சார்பில் கடந்த 2021 தேர்தலில் போட்டியிட்டு வெற்றிபெற்ற மார்கண்டேயனுக்கே மீண்டும் போட்டியிட வாய்ப்பு வழங்கப்பட்டுள்ளது.</p><p><br></p><p>வரதராஜன் - ராஜலட்சுமி ஆகியோரின் மகனாக மார்கண்டேயன் பிஏ.,பில்., பயின்றுள்ளார். அவருக்கு ரெபேக்காள் அனிட்டா என்ற மனைவியும், சட்ட கல்லூரியில் மூன்றாம் ஆண்டு பயின்று வரும் அக் ஷய் மற்றும் ஆறாம் வகுப்பு படிக்கும் நிரஞ்சன் ஆகிய இரு மகன்கள் உள்ளனர்.</p><p><br></p><p>2002 - 2006 மற்றும் 2006 - 2011ஆம் ஆண்டுகளில் விளாத்திகுளம் சட்டமன்ற தொகுதிக்கு உட்பட்ட புதூர் ஊராட்சி ஒன்றிய பெருந்தலைவராகவும்,  2011 - 2016 மற்றும் 2021 - 2026 ஆம் ஆண்டுகளில் விளாத்திகுளம் சட்டமன்ற உறுப்பினராகவும் உள்ளார்.</p><p><br></p>