<p><b>தமிழ் சினிமாவில் சூப்பர் ஸ்டாராக திகழ்பவர் நடிகர் ரஜினிகாந்த். தற்போது இயக்குநர் லோகேஷ் கனகராஜ் இயக்கத்தில், "கூலி" என்ற படத்தில் ரஜினி நடித்து வருகிறார். இந்த படத்தின் படப்பிடிப்பு விறுவிறுப்பாக நடைபெற்று வருகிறது.</b></p><p><br></p><p>&nbsp;1991ஆம் ஆண்டு மணிரத்னம் இயக்கத்தில் ரஜினிகாந்த், மம்முட்டி, அரவிந்த் சாமி, சோபனா உள்ளிட்டோர் நடித்து வெளியான மிகப் பெரிய வெற்றியைப் பெற்ற படம் "தளபதி"திரைப்படம். இன்று வரை கிளாசிக் பட வரிசையில் இடம் பெற்றுள்ள இப்படம், நடிகர் ரஜினியின்&nbsp; பிறந்தநாளை சிறப்பிக்கும் வகையில், மீண்டும் ரீ ரிலீஸ் செய்யப்பட உள்ளது.&nbsp;&nbsp;</p><p><br></p><p>படம் வெளியாகி 33 ஆண்டுகளைக் கடந்துள்ள நிலையிலும், இளையராஜா இசையில் இப்படத்தின் பாடல்கள் அனைத்தும் இன்று வரையிலும் அனைவரது மனதிலும் நீங்கா இடம் பிடித்துள்ளது. இப்படம் தமிழ் சினிமாவின் ஒரு மைல்கல்.&nbsp;</p><p><br></p><p>சூப்பர் ஸ்டார் ரஜினிகாந்தின் 74வது பிறந்தநாளை அவரது ரசிகர்களும், இன்றைய தலைமுறையினரும் கொண்டாடும் வகையில் வருகின்ற டிசம்பர் 12ஆம் தேதி தளபதி படம் ரீரிலீஸ் ஆகிறது என்பது குறிப்பிடதக்கது.</p>