<p><b>தூத்துக்குடியில் இருசக்கர வாகனத்தில் சென்ற போது சாலையோர தடுப்பில் மோதி விபத்துக்குள்ளானதில் இளைஞர் ஒருவர் பரிதாபமாக உயிரிழந்தார்.</b><br></p><p>தூத்துக்குடி 3 சென்ட் அந்தோணியார் புரத்தைச் சேர்ந்தவர் அபி கணேஷ் ( 19 ). செல்வ விநாயகபுரத்தைச் சேர்ந்த அவரது நண்பர் பிரகாஷ் ( 20 ) நேற்று முன்தினம் இரவு இருசக்கர வாகனத்தில் சத்யா நகர் பாலத்தில் சென்று கொண்டு இருந்த போது,&nbsp; அவர்களது இருசக்கர வாகனம் கட்டுப்பாட்டை இழந்து, அங்கிருந்த சாலையோர தடுப்பில் மோதியது. இந்த விபத்தில் பலத்த காயமடைந்த இருவரும் மீட்கப்பட்டு தூத்துக்குடி அரசு மருத்துவமனையில் சேர்க்கப்பட்டனர்.</p><p>இந்த நிலையில், சிகிச்சையில் இருந்த அபி கணேஷ் சிகிச்சை பலனின்றி நேற்று இறந்தார். பிரகாஷ் தீவிர சிகிச்சை பிரிவில் உள்ளார். விபத்து குறித்து தென்பாகம் போலீசார் விசாரித்து வருகின்றனர்.</p>