<p dir="ltr"><b>தூத்துக்குடியில் இந்து ஆலயங்களைத் திறக்கக் கோரி இந்து முன்னணி அமைப்பினர் ஆலயம் முன்பு சூடம் ஏற்றி வழிபட்டு&nbsp; போராட்டத்தில் ஈடுபட்டனர்.</b><br></p><p dir="ltr">தமிழகத்தில் கொரோனா தொற்று பரவலைத் தொடர்ந்து ஊரடங்கு அமல்படுத்தப்பட்டதால் வழிபாட்டுத் தலங்கள் அனைத்தும் அடைக்கப்பட்டன. தற்போது ஊரடங்கில் பல்வேறு தளர்வுகள் அறிவிக்கப்பட்டுள்ளன. ஆனால் ஆலயங்களை திறக்க தமிழக அரசு தொடர்ந்து தடைவிதித்துள்ளது.</p><p dir="ltr">இந்நிலையில் கடந்த சில நாட்களாக ஆலயங்கள் உள்ளிட்ட வழிபாட்டுத் தலங்களை திறக்கக் கோரி இந்து அமைப்பினர் பல்வேறு போராட்டங்களை நடத்தினர். அதனைத்தொடர்ந்து இன்று (25.6.2021)&nbsp;&nbsp;தூத்துக்குடி மாவட்டத்தில் இந்து முன்னணி சார்பில் அந்தந்த பகுதி நிர்வாகிகள் தலைமையில் வீடுகளுக்கு முன்பு கோலம் போட்டும், ஆலயத்தின் முன்பு சூடம் ஏற்றி வழிபட்டும் போராட்டம் நடத்தப்படும் என அறிவிக்கப்பட்டது.</p><p dir="ltr"><img src="https://www.vilasalnews.com/img/post/postimage/2021/06/25/11624595803.jpg" style="width: 100%;"><br></p><p> </p><p dir="ltr">இந்நிலையில், தூத்துக்குடி பாளை ரோட்டில் உள்ள வேம்படி இசக்கிஅம்மன் கோயிலில், தூத்துக்குடி&nbsp; மேற்கு மண்டலம் சார்பாக எல்.ஆர்.சரவணக் குமார் தலைமையில் இந்து முன்னணி அமைப்பை சேர்ந்த கிருஷ்ணராஜ், ஆழ்வார், சுடலைமணி, உள்ளிட்டோர் கோயில்களை திறக்க தமிழக அரசை வலியுறுத்தி கோஷங்களை எழுப்பிய வாறு போராட்டத்தில் ஈடுபட்டனர். அதனைத்தொடர்ந்து, ஆலயம் முன்பு சூடம் ஏற்றி வழிபட்டனர்.</p>