<p><b>தூத்துக்குடி மாவட்டம் கோவில்பட்டி அருகே உள்ள சங்கரலிங்கபுரம் கிராமத்தில், SLP ஸ்போர்ட்ஸ் கிளப் மற்றும் ஊர் பொதுமக்கள் சார்பில் மாநில அளவிலான ஆண்கள் கைப்பந்து போட்டிகள் நடைபெற்றன.</b></p><p><br></p><p>இந்தத் தொடரில் தமிழகத்தின் பல்வேறு பகுதிகளில் இருந்து மொத்தம் 26 அணிகள் ஆர்வத்துடன் பங்கேற்றன. வீரர்களின் அதிரடி ஆட்டத்தால் மைதானம் முழுவதும் ரசிகர்களின் ஆரவாரம் விண்ணைப் பிளந்தது. இறுதிப் போட்டியை முன்னாள் மாவட்ட கவுன்சிலர் பிரியா குருராஜ் தொடங்கி வைத்தார்.</p><p><img src="https://www.vilasalnews.com/img/post/postimage/2026/02/08/11770563472.jpg" style="width: 100%;"><br></p><p>கடும் போட்டிக்குப் பிறகு வெற்றி பெற்ற அணிகளுக்கு மாவட்ட கவுன்சிலர் பிரியா குருராஜ் பரிசுத் தொகையையும், கோப்பைகளையும் வழங்கி கௌரவித்தார்.&nbsp;</p><p><br></p><p>இதில், முதலிடத்தை சங்கரலிங்கபுரம் SLP ஸ்போர்ட்ஸ் கிளப்பும்,&nbsp; இரண்டாமிடத்தை தென்காசி மாவட்டம் நல்லூர் பாய்ஸ் அணியினரும், மூன்றாமிடத்தை சி.ஆர். காலனி ப்ளூ ஸ்டார் அணியும், நான்காமிடத்தை நாலாட்டின் புதூர் லயன்ஸ் கிளப் அணியும், ஐந்தாமிடத்தை சுரண்டை PSR கல்லூரி அணியும் தட்டிச் சென்றன.</p><p><br></p><p>இந்நிகழ்விற்கு, ஊர் நாட்டாமை மகாராஜன், சுப்பையா ஆகியோர் தலைமை தாங்கினர்.&nbsp; ஆனந்தராஜ், சந்திரசேகர் ஆகியோர் முன்னிலை வகித்தனர். சங்கரலிங்கபுரம் திமுக கிளைச் செயலாளர்&nbsp; சிவக்குமார் அனைவரையும் வரவேற்றுப் பேசினார். இதற்கான ஏற்பாடுகளை நடராஜன், மாரிச்செல்வம்,&nbsp; கவியரசன் மற்றும் சங்கரலிங்கபுரம் கிராம இளைஞர்கள் ஒருங்கிணைந்து செய்திருந்தனர்.</p>