<p><b>தூத்துக்குடி வேலைவாய்ப்பு அலுவலகத்தில் இன்று தனியார் வேலைவாய்ப்பு முகாம் நடைபெறுகிறது</b>.</p><p>இதுதொடர்பாக, தூத்துக்குடி மாவட்ட வேலைவாய்ப்பு மற்றும் தொழில்நுட்ப உதவி இயக்குனர் பேச்சியம்மாள் விடுத்த செய்திக் குறிப்பில் கூறியிருப்பதாவது :<br></p><p>தூத்துக்குடி மாவட்ட வேலைவாய்ப்பு மற்றும் தொழில் நெறி வழிகாட்டும் மையத்தின் மூலம் தனியார் துறை வேலைவாய்ப்பு முகாம் இன்று வெள்ளிக்கிழமை காலை 10.30 மணிக்கு மாவட்ட வேலைவாய்ப்பு அலுவலகத்தில் நடக்கிறது. இதில் பல முன்னணி நிறுவனங்கள் கலந்து கொள்ள உள்ளனர்.<br></p><p>முகாமில் பத்தாம் வகுப்பு, பிளஸ் 2,பட்டப் படிப்பு, டிப்ளமோ, ஐடிஐ மற்றும் கம்ப்யூட்டர் பயிற்சி முடித்தவர்கள் கலந்துகொள்ளலாம்.<br></p><p>தனியார் வேலைவாய்ப்பு முகாமில் கலந்து கொள்ள விரும்புபவர்கள் தங்களின் சுய விவரங்கள் மற்றும் கல்வி சான்றிதழ் உடன் வர வேண்டும். தனியார் நிறுவனங்களில் பணி நியமனம் செய்யப் பட்டாலும் வேலைவாய்ப்பு அலுவலக பதிவு ரத்து ஆகாது.<br></p><p>தனியார் நிறுவனத்தினர் தங்களுக்குத் தேவையான பணியாளர்களை தேர்வு செய்ய இம்முகாமில் கலந்து கொள்ளலாம். மேலும் விவரங்களுக்கு 63 80089 119 என்ற அலுவலக தொலைபேசி எண்ணை&nbsp; தொடர்பு கொள்ளலாம். </p><p>எனவும் மாவட்ட வேலைவாய்ப்பு மற்றும் தொழில் நெறி வழி காட்டும் மையத்தின் உதவி இயக்குனர் தெரிவித்துள்ளார்.<br></p>