<p><b>நடிகரும், இசையமைப்பாளருமான விஜய் ஆண்டனியின் மகள் மீரா தூக்கிட்டு தற்கொலை செய்து கொண்ட சம்பவம் பெரும் அதிர்ச்சியை ஏற்படுத்தியுள்ளது.</b></p><p><b style="color: rgb(0, 0, 255);">இதுதொடர்பாக காவேரி மருத்துவமனை வெளியிட்டுள்ள அறிக்கையில், </b>இறந்த சிறுமி நடிகர் விஜய் ஆண்டனியின் மகள் என்றும், அவர் சர்ச் பார்க் பள்ளியில் பன்னிரண்டாம் வகுப்பு படித்து வந்தார் எனவும் குறிப்பிடப்பட்டுள்ளது.</p><p>அவர் சற்று மன அழுத்தத்தில் இருந்து வந்ததாகவும் நேற்று இரவு உறங்கச் சென்றவர் விடியற்காலை 3 மணி அளவில் வீட்டில் மின் விசிறியில் தூக்கிட்டு தற்கொலை செய்து கொண்டதாகவும் தெரிவிக்கப்பட்டுள்ளது.</p><p><img src="https://www.vilasalnews.com/img/post/postimage/2023/09/19/11695089958.jpg" style="width: 100%;"><br></p><p>இதையடுத்து அறையில் அவர் தூக்கில் தொங்குவதை பார்த்த விஜய் ஆண்டனி, வீட்டின் பணியாளர் உதவியுடன் கீழே இறக்கி கார் மூலம் தங்கள் மருத்துவமனைக்கு அழைத்து வந்ததாக காவேரி மருத்துவமனை தரப்பில் கூறப்பட்டுள்ளது.</p><p>சிறுமியை மருத்துவர்கள் பரிசோதனை செய்து அவர் ஏற்கனவே இறந்து விட்டதாக கூறியதை அடுத்து காவல்துறைக்கு தகவல் தெரிவிக்கப்பட்டது.&nbsp;</p><p>விஜய் ஆண்டனி கடந்த 2006-ம் ஆண்டு பாத்திமா என்பவரை திருமணம் செய்து கொண்டார். அவர்களின் மகள் மீரா திடீரென தூக்கிட்டு தற்கொலை செய்து கொண்ட சம்பவம் திரையுலகினர் மத்தியில் அதிர்ச்சியை ஏற்படுத்தியுள்ளது.</p>