<p><b>சர்வதேச செஸ் ஒலிம்பியாட் போட்டி மாமல்லபுரத்தில் நாளை கோலாகலமாக துவங்குகிறது. இந்தியாவில் முதல் முறையாக செஸ் ஒலிம்பியாட் போட்டி நடக்கிறது.</b></p><p>இதில், இந்திய செஸ் அணியில் இடம் பெற்றுள்ள 30 பேரில் பிரக்ஞானந்தா, வைஷாலி, குகேஷ், சசிகிரண், கார்த்திகேயன், அதிபன், சேதுராமன், என 7 பேர் தமிழகத்தை சேர்ந்தவர்கள்.</p><p><b>பிரக்ஞானந்தா (&nbsp; 16 )</b></p><p>சர்வதேச மாஸ்டர் என்ற அந்தஸ்தை 10 வயதில் பெற்றவர். உலக தர வரிசையில் 107வது இடத்தில் உள்ளார். 2022ல் பல்வேறு தொடர்களில் வென்றார். இந்த ஆண்டு நடந்த 'ரேபிட்’ செஸ் தொடரில் உலக சாம்பியன் கார்ல்சனை 3 மாத இடைவெளியில் 2 முறை வீழ்த்தினார். உலக சாம்பியனை வீழ்த்திய இளம் வீரர் என பெருமை பெற்றார்.</p><p><b style="color: rgb(206, 0, 0);">வைஷாலி ( 21 )</b></p><p>பிரக்ஞானந்தாவின் சகோதரி,&nbsp; தரவரிசையில் 29 ஆக உள்ளார். 2020 ஒலிம்பியாட்டில் தங்கம் வென்ற அணியில் இடம் பெற்றார்.</p><p><span style="font-weight: bold;">அதிபன் ( 29 )</span></p><p>செஸ் ஒலிம்பியாட்டில் வெண்கலம் வென்ற (2014) அணியில் இடம் பெற்ற இவர், 219வது இடத்திலுள்ளார். 2014ல் சுவிட்சர்லாந்து செஸ் தொடரில் கோப்பை வென்றுள்ளார்.</p><p><span style="color: rgb(206, 0, 0); font-weight: bold;">சசிகிரண் ( 41 )</span></p><p>இந்திய அணியில் இடம் பெற்ற மூத்த வீரர். தற்போது 99வது இடத்தில் உள்ள இவரது அனுபவம், இக்கட்டான நேரத்தில் இந்தியாவுக்கு கைகொடுக்கும்.</p><p><span style="font-weight: bold;">சேதுராமன் ( 29 )</span></p><p>செஸ் ஒலிம்பியாட்டில் வெண்கலம் வென்ற (2014) அணியில் இடம் பெற்றவர், 151வது இடத்திலுள்ள இவர், 2016 ஆசிய செஸ் சாம்பியன்ஷிப்பில் கோப்பையை கைப்பற்றினார்.</p><p><span style="font-weight: bold; color: rgb(206, 0, 0);">குகேஷ் ( 16 )</span></p><p>இந்தியாவின் இளம் கிராண்ட்மாஸ்டர், தரவரிசையில் 54வது இடத்தில் உள்ளார். 2018 யூத் ஆசிய சாம்பியன்ஷிப்பில் 5 தங்கம் வென்றார்.</p><p><span style="font-weight: bold;">கார்த்திகேயன் (&nbsp; 23 )</span></p><p>ஹங்கேரியில் நடந்த 16 வயதுக்குட்பட்ட செஸ் ஒலிம்பியாட் தொடரில் இந்தியா கோப்பை வெல்ல முக்கிய காரணமாக திகழ்ந்தார். 178வது இடத்தில் உள்ளார்.</p>