<p dir="ltr"><span style="font-size: 16px;"><b>மாரிதாஸ் கைதுக்கு நாம் தமிழர் கட்சியின் தலைமை ஒருங்கிணைப்பாளர் சீமான் எதிர்ப்பு தெரிவித்துள்ளார்.</b></span><br></p><p dir="ltr"><span style="font-size:16px" ;="">முப்படைகளின் தலைமைத் தளபதி ஹெலிகாப்டர் விபத்தில் தமிழகத்தில் உயிரிழந்தது தொடர்பாக சர்ச்சைக்குரிய கருத்து தெரிவித்த பாஜக ஆதரவாளரும் &nbsp;யூடியூபருமான மாரிதாஸ் நேற்று அதிரடியாக கைது செய்யப்பட்டார். மாரிதாஸ் கைதுக்கு நாம் தமிழர் கட்சியின் தலைமை ஒருங்கிணைப்பாளர் சீமான் எதிர்ப்பு தெரிவித்துள்ளார்.</span></p><p dir="ltr"><span style="font-size:16px" ;=""><span style="color: rgb(206, 0, 0); font-weight: bold;">இதுகுறித்து தனியார் தொலைக்காட்சிக்கு அவர் அளித்த பேட்டியில், </span>"மாரிதாஸ் கருத்து கோட்பாடுகளில் முழுமையாக முரண்படுகிறேன். ஆனால் அவர் கைது செய்யப்பட்டதை கடுமையாக எதிர்க்கிறேன். &nbsp;ஒரு ஜனநாயக நாட்டில் எதையுமே பேசக்கூடாது என்று மாரிதாஸ் சார்ந்திருக்கும் பாஜக சொல்வதையும் ஏற்க முடியாது. திமுக எடுக்கும் முடிவையும் ஆதரிக்க முடியாது.</span></p><p dir="ltr"><span style="font-size:16px" ;="">கருத்து சுதந்திரத்திற்கு எதிராக கைது செய்தால் நாங்கள் என்னதான் பேசுவது? அதேபோல தம்பி சாட்டை முருகனையும் வேண்டும்என்று கைது செய்தனர். உங்க கூடவே இருக்கார் &nbsp;எங்களுக்கு நெருக்கடி என்று காவல்துறையினர் தரப்பில் தெரிவிக்கப்பட்டது. &nbsp;நான் அனுப்புகிறேன் என்று அவரை நான் சரணடைய வைத்தேன். &nbsp;இந்த அரசு எவ்வளவு வன்மம் ஆக இருக்கிறது அவரை பிணையில் எடுக்க போராடும் போது தான் தெரிந்தது. &nbsp;மாரிதாஸுக்கும் அப்படித்தான் இருக்கும் என்று நினைக்கிறேன் " என்றார்.&nbsp;</span></p><p> </p><p dir="ltr"><span style="font-size:16px" ;="">தொடர்ந்து பேசிய அவர், " மணிகண்டன் உயிர் இழந்ததில் கருத்து தெரிவித்த மாரிதாஸின் கருத்தை நான் ஏற்கிறேன். &nbsp;தமிழக அரசை கண்டித்து நானும் அறிக்கை வெளியிட்டிருந்தேன் . மீனவர் ராஜ்கிரன் உயிரிழப்பின் போதும், &nbsp;தமிழக முதல்வர் மௌனமாக தான் இருந்தார். அவர் எதிர்கட்சியாக இருக்கும்போது பேசிய பேச்சுக்கும், &nbsp; முதல்வராக மாறியபின் பேசும் பேச்சுக்கும் &nbsp;நிறைய வேறுபாடுகள் இருக்கிறது. &nbsp;</span></p><p dir="ltr"><span style="font-size:16px" ;="">அதேசமயம் ஹெலிகாப்டர் விபத்திற்கு திமுகவையும், &nbsp;தமிழகத்தையும் இழுப்பது&nbsp; தவறு. &nbsp;வானூர்தியை திமுகவா வாங்குகிறது? மாரிதாஸின் ஆதரவு கட்சி தான் &nbsp;வாங்குகிறது" என்று குறிப்பிட்டுள்ளார்.&nbsp;</span></p>